निष्पक्ष र विश्वसनीय खबरको सँगालो 
Khabar Punja
७ बैशाख २०८१, शुक्रबार
दमाैली । तनहुँको भानु नगरपालिका–६ सिमपानीकी क्यान्सर पीडित सुनिता पौडेल उपचारार्थ नेपाल पत्रकार महासङ्घ तनहुँका पूर्व अध्यक्ष प्रकाशचन्द्र भट्टराईले आर्थिक सहयाेग गरेका छन् । भट्टराईले पौडेलको उपचारमा सहयोग पुर्याउन दुई हजार सहयाेग गरेका हुन् ।
उनले उक्त रकम आइतबार भरतपुर क्यान्सर अस्पतालमा पुगेर प्रदान गरेका छन् ।
१४ महिनादेखि आन्द्रा र पाठेघरको क्यान्सर पीडित बनेकी पौडेलको उपचारमा आर्थिक अभाव भएपछि सहयोग संकलन अभियान सञ्चालन गरिएको छ।
भानुका युवा अभियान्ता मनोजकुमार श्रेष्ठले सामाजिक सञ्जालमार्फत् सहयोग जुटाइरहेका छन् ।
घरको आर्थिक अवस्था कमजोर हुँदा उपचारमा समस्या भएको पौडेलले बताएकी छन् । उनले हालसम्म छ पटक किमो चढाएका छिन् । क्यान्सरको उपचारका लागि शल्यक्रिया गर्नुपर्ने र धेरै रकम लाग्ने हुँदा उपचार गर्न नसकेको उनले गुनासो गरिन् ।
