निष्पक्ष र विश्वसनीय खबरको सँगालो 
Khabar Punja
२५ कार्तिक २०८१, सोमबार
दमौली । व्यास नगरपालिका वडा नं १ स्थित विज्ञानचौरमा रहेको नेपाल युवा रेडक्रस सर्कल आदिकवि भानुभक्त क्याम्पस जिल्लाकै उत्कृष्ट सर्कलको रुपमा सम्मानित भएको छ ।
नेपाल रेडक्रस सोसाईटी तनहँु जिल्ला शाखाको आयोजनामा र युवा रेडक्रस सर्कल चण्डिदेवी राष्ट्रिय माध्यमिक विद्यालयको आतिथ्यतामा शुक्रबार देखि सञ्चालित ३८ औं जुनियर तथा युवा रेडक्रस गोष्ठिमा सम्मान गरिएको हो ।
कार्यक्रममा जिल्ला जुनियर तथा युवा रेडक्रस समिति तनहँुका संयोजक विमल गिरी, प्रदेशका महासचिव रामदत्त पौडेल लगायतले युवा रेडक्रस सर्कल आदिकवि भानुभक्तका सचिव सविन लामिछाने र कोषाध्यक्ष रोजिना सुनारलाई उक्त सम्मान पत्र प्रदान गरे ।
त्यस्तै द्वितीयमा चण्डिदेवी राष्ट्रिय माध्यमिक विद्यालय, तृतीयमा पराशर माध्यमिक विद्यालय भएको छ । सान्त्वना भने जनज्योती मावि र रामशाह मावि भएको थियो । एक वर्षभरिमा जिल्लाभरिको सर्कलले गरेको सामाजिक कार्य लगायत गतिविधिको मुल्याङकन गरि सम्मान गरिएको जिल्ला जुनियर तथा युवा रेडक्रस समिति तनहँुका संयोजक गिरीले बताए । शुक्रबार देखि चलेको उक्त गोष्ठि शनिबार सम्पन्न भएको हो ।
