निष्पक्ष र विश्वसनीय खबरको सँगालो 
Khabar Punja
२५ कार्तिक २०८१, सोमबार
दमौली । तनहुँ उद्योग वाणिज्य संघले बैंकहरुले गर्ने उद्योगी, व्यवसायी र सर्वसाधारणको धितोबन्धकी लिलामी सकार्ने वा सो प्रकृयामा सहभागी नहुन अपिल गरेको छ ।
संघका अध्यक्ष पविन्द्रकुमार श्रेष्ठले शुक्रबार विज्ञप्ती जारी गरी व्यवसायिक एकता र साझा हितमा आफुलाई अडिक रुपमा उभ्याइदिनुभई सहयोग गर्न अपिल गरेका हुन् ।
निजी क्षेत्रले यस अघि कहिल्यै भोग्न नपरेको यस किसिमको आर्थिक संकटको यस्तो सम्वेदनशिल क्षणमा राज्यको जिम्मेवार निकायको रूपमा रहेको नेपाल राष्ट्र बैंकले नीजि क्षेत्रलाई संरक्षण हुने गरि अभिभावकिय भूमिका र एक अर्काको परिपुरकका रूपमा बैङ्क तथा वित्तिय संस्थाहरुले निजी क्षेत्रलाई टिकाउनको निमित्त असल सहयोगी सहयात्रीको जिम्मेवारी निर्वाह गरोस् भन्ने चाहना रहेको श्रेष्ठले उल्लेख गरेका छन् ।
