निष्पक्ष र विश्वसनीय खबरको सँगालो 
Khabar Punja
५ आश्विन २०८१, आईतवार
दमाैली । तनहुँकाे आँबुखैरेनी गाउँपालिकाले टाेल टाेलमा पुगेर स्वास्थ्य परीक्षण सेवा सुरु गरेकाे छ । पहिलाे दिन आँबुखैरेनी-१ स्थित समस्तीपुर गाउँ, गिरानचाैर, भंगेरी, डुम्रीडाँडा, ढाप लगायतका एक सय तीनले सेवा लिएका छन् ।
डा. गुणराज लाेहनीकाे नेतृत्वमा आँबुखैरेनी अस्पतालका डा. अभिनाष शिविरमा खटिएका थिए ।
स्वास्थ्य सेवा तालिका बनाइ हरेक महिना हरेक टोलमा पुगी डाक्टर सहित गर्भवतीको भिडियो एक्सरे, प्रेसर ,सुगर जाच सेवा लगायतको स्वास्थ परीक्षण गरी रोग पत्ता लगाइ सम्बन्धित विशेषज्ञसँग जनताको उपचार गराउने उद्धेश्य राखिएकाे अध्यक्ष शुक्र चुमानले जानकारी दिए ।
चुमानले आँबुखैरेनी अस्पतालमा स्वास्थ्य बीमा सुरु भएसँगै हरेक परिवारलाई बीमामा आबद्ध भइ सेवा लिन आग्रह गरेका छन् ।
