निष्पक्ष र विश्वसनीय खबरको सँगालो 
Khabar Punja
८ माघ २०८१, बुधबार
दमाैली । नेकपा माओवादी केन्द्र ऋषिङ गाउँ कमिटीले १२ वर्षीया बालिकालाई जबरजस्ती करणीकाे आराेप लागेका प्रधानाध्यापक झुलबहादुर थापालाई कारवाहीकाे माग गरेकाे छ । ऋषिङ गाउँपालिका-७ स्थित ज्यामिरे माइ प्राविका प्रधानाध्यापक थापालाई अविलम्ब पक्राउ गरी कारवाहीकाे माग गरिएकाे हाे ।
थापाले गत साउन ३१ गते ती बालिकालाई जबरजस्ती करणी गरेकाे आराेप लागेकाे छ । उक्त घटनापश्चात थापा फरार छन् ।
माओवादी गाउँ कमिटी सचिव डम्बर विकले साेमबार विज्ञप्ती जारी गरी निज थापालाई पक्राउ गरी कडा कारवाही गर्न र पीडित बालिका र परिवारमाथि थप हिंसा हुन नदिन प्रशासनकाे ध्यानाकर्षण गराएका छन् ।
उनले दाेषीलाई कुनै बहानामा उम्कन नदिन र पीडितलाई न्याय दिलाउन आ-आफ्नाे ठाउँबाट भूमिका निर्वाह गर्न न्यायालय, जनप्रतिनिधि, प्रशासन र पत्रकार र जनसमुदायमा समेत अपिल गर्दछाै ।
