निष्पक्ष र विश्वसनीय खबरको सँगालो 
Khabar Punja
६ पुष २०८१, आईतवार
दमाैली । व्यास नगरपालिका-४ स्थित कन्काई ग्लाेबल एकेडेमीका विद्यार्थीले जिल्ला प्रशासन कार्यालय तनहुँकाे भ्रमण गरेका छन् । विद्यालयकाे कक्षा ९ मा अध्ययनरत विद्यार्थीले साेमबार कार्यालयकाे भ्रमण गर्दै त्यहाँबाट सम्पादन हुने कार्यकाे बारेमा जानकारी लिएका छन् ।
सामाजिक शिक्षा विषयको “नागरिकको परिचय” पाठमा समावेश भएका विभिन्न शीर्षकहरु जस्तै जन्म दर्ता प्रमाण पत्र, नागरीकताको परिचय, नागरीकताको प्रमाण पत्र र त्यसका किसिम, नागरिकता बनाउने प्रकृया, राष्ट्रिय परिचय पत्र र त्यसका उद्देश्य र प्रावधानका बारेमा विद्यार्थीलाई जानकारी गराउन प्रशासनकाे भ्रमण गराइएकाे विद्यालयका प्रबन्ध निर्देशक मिलन गाेदारले जानकारी दिए ।
साे अवसरमा सहायक प्रमुख जिल्ला अधिकारी काशीराम गैरेले कार्यालयबाट प्रदान गरिने सेवाका बारेमा विभिन्न फाँटमा भ्रमण गराइ जानकारी गराए ।
