निष्पक्ष र विश्वसनीय खबरको सँगालो 
Khabar Punja
२७ कार्तिक २०८१, बुधबार
दमौली । पूर्वमन्त्री एवं बारा-४ का सांसद कृष्णकुमार श्रेष्ठ किसानले दमौलीमा प्रकोपको रुपमा फैलिएको डेंगु नियन्त्रण र संक्रमितको प्रभावकारी उपचारका लागि सरकारको ध्यानाकर्षण गराउने बताएका छन्।
व्यास नगरपालिका-२ निवासी १३ वर्षीया प्रजिता श्रेष्ठको डेंगुबाट निधन भएपछि शोक वक्तव्य जारी गरी श्रेष्ठले तत्काल स्वास्थ्य मन्त्रालयको ध्यानाकर्षण गराउने बताएका हुन् ।
व्यास नगरपालिका-२ निवासी सामाजिक व्यक्तित्व जीवनकुमार श्रेष्ठ र प्रमिला श्रेष्ठकी छोरीको डेंगु संक्रमणबाट कलिलो उमेरमै सोमबार मृत्यु भएको खबरले आफूलाई स्तब्ध तुल्याएको उनले उल्लेख गरेका छन् ।
