निष्पक्ष र विश्वसनीय खबरको सँगालो 
Khabar Punja
४ माघ २०८१, शनिबार
काठमाडौ । साविक उपविजेता न्युजिल्यान्ड विश्वकप क्रिकेट प्रतियोगितामा विजयी सुरुवात गरेको छ । बिहीबार भारतको अहमदावादस्थित नरेन्द्र मोदी क्रिकेट स्टेडिममा न्युजिल्यान्डले साविक विजेता इंग्ल्यान्डमाथि ९ विकेटको धमाकेदार जित हात पारेको हो । इंग्ल्यान्डले दिएको २८३ रनको लक्ष्य न्युजिल्यान्डले ३६.२ ओभरमा एक विकेटको क्षतिमा पूरा गरेको हो ।
न्युजिल्यान्डको जितमा डेविड कानवे र रचिन रविन्द्रले नटआउट शतक बनाए र कानवेले १२१ बलमा नटआउट १५२ रन बनाए भने रविन्द्रले ९६ बलमा नटआउट १२३ रन बनाए । यी दुईबीच दोस्रो विकेटका लागि नटआउट २७३ रनको साझेदारी भएको थियो । इंग्ल्यान्डका लागि एक मात्र विकेट साम करनले लिए ।
यसअघि जो रुटले ७७ रन बनाएपछि इंग्ल्यान्डले ५० ओभरमा ९ विकेट गुमाएर २८२ रन बनाएको थियो । उपाधिको दाबेदार मानिएको इंग्ल्यान्ड आज न्युजिल्यान्ड सामु निरीह देखिएको छ ।
भोलि पाकिस्तान र नेदरल्यान्डबीच खेल हुनेछ ।
