निष्पक्ष र विश्वसनीय खबरको सँगालो 
Khabar Punja
२४ बैशाख २०८१, सोमबार
काठमाडौं । शो संख्या र सेयर बाँडफाँडमा आपत्ति जनाउँदै फिल्म ‘दिमाग खराब’ का निर्माताले प्रदर्शन रोक्ने घोषणा गरेका छन् ।
निर्माता रौनकविक्रम कँडेल र निर्देशक निश्चल बस्नेतले संयुक्त विज्ञप्ति जारी गर्दै यस्तो निर्णय भएको जानकारी दिएका छन् । “हामीले चाहेको समान व्यवहार हो र जबसम्म विदेशी चलचित्र र नेपाली चलचित्रलाई बराबरी शो प्रदान गरिँदैन तथा फिल्म प्रदर्शन भैरहञ्जेल बराबरी सेयर बाँडफाँड हुँदैन तबसम्म नेपालमा चलचित्र प्रदर्शन रोक्ने निर्णय गरेका छौँ,” विज्ञप्तिमा भनिएको छ ।
यसबारे निर्देशक बस्नेतले फेसबुक लाइभमार्फत पनि जानकारी गराएका छन् । “उत्साहका साथ मानिसहरू आइरहनु भए पनि कम शोमा चित्त बुझाउनुपर्ने ? जबसम्म हाम्रो लगानी सुरक्षित गर्ने वातावरण पाउँदैनौँ, तबसम्म फिल्म चलाउँदैनौँ । बरु वैकिल्पक विधिबाट फिल्म देखाउँछौँ,” उनले भनेका छन् ।
