निष्पक्ष र विश्वसनीय खबरको सँगालो 
Khabar Punja
५ जेष्ठ २०८१, शनिबार
दमौली । वाइसिएल म्याग्दे गाउँ कमिटीले आयोजना गरेको प्रथम पालिकास्तरीय भलिबल प्रतियोगिताको उपाधि खैरेनीटारले जितेको छ ।
म्याग्दे-७ तिलीयाटरमा सम्पन्न फाइनल खेलमा म्याग्दे-५ घडेरीलाई हराउँदै खैरेनीले उपाधि जितेको हो।
उपाधिसँगै खैरेनीटारले नगद रु ५१ हजार १ सय ११ र उपविजेता घडेरीले ३१ हजार १ सय ११ प्राप्त गरेको छ ।
विजेताहरुलाई गण्डकी प्रदेशका भौतिक पूर्वाधार तथा यातायातमन्त्री रेशमबहादुर जुग्जालीले पुरस्कार वितरण गरेका छन् । सो अवसरमा उनले खेलकुदको विकासका लागि सरकार प्रतिबद्ध रहेको बताए ।
कार्यक्रममा ऑबुखैरेनी गाउँपालिकाका अध्यक्ष शुक्र चुमान, शुक्लागण्डकी नगरपालिकाका उपप्रमुख खुमबहादुर विक लगायतले मन्तव्य राखेका थिए ।
पुस ७ देखि ९ गतेसम्म भलिबल प्रतियोगिता आयोजना गरिएको थियो ।
