Khabar Punja

काठमाडाै । रोटर्याक्ट डिस्ट्रिक ३२९२ को १६ औँ राष्ट्रिय सम्मेलन अर्थात् १६ औँ रोटर्याक्ट डिस्ट्रिक सम्मेलन हुने भएकाे छ । सम्मेलन आगामी जनवरी १९ र २० गते काठमाडौंको कमलादी स्थित नेपाल प्रज्ञा प्रतिष्ठान हलमा आयोजना हुने भएको छ।

उक्त कार्यक्रममा देश भरका १५०० भन्दा बढी युवाहरूको सहभागिता रहने छ। रोटर्याक्ट डिस्ट्रिक ३२९२ को आयोजनामा हुन लागेको यस कार्यक्रमलाई रोटर्याक्ट क्लब अफ रुद्रमती-बबरमहल-काठमाडौं र रोटर्याक्ट क्लब अफ रुद्रमतीले होस्ट गरेका छन्।

रोटर्याक्ट डिस्ट्रिक ३२९२ मा अहिले नेपाल भरका करिब ८००० युवाहरू सक्रिय सदस्य छन्। देश भरमा १८० वटा रोटर्याक्ट क्लबहरू अहिले सक्रिय रूपमा काम गरिरहेका छन्। वार्षिक रूपमा आयोजना हुने रोटर्याक्ट डिस्ट्रिक कन्फ्रेस, रोटर्याक्ट डिस्ट्रिक ३२९२ ले आयोजना गर्ने सबै भन्दा ठूलो कार्यक्रम हो।

यस कार्यक्रममा देश भरका प्रभावशाली व्यक्तित्वहरूको उपस्थिति रहने गरेको छ। यस वर्ष पनि हरेक क्षेत्रबाट अग्रणी व्यक्तिवहरूको आतिथ्यतामा कार्यक्रम आयोजना हुने आयोजकले जनाएकाे छ ।

यस वर्षको कन्फ्रेसको विषय “Nurturing Brain Gain” रहेको छ। “अग्रगामी सोच भएका, प्रभावशाली व्यक्तित्वहरूलाई एकै ठाउँमा ल्याउने क्षमताको लागि चिनिएको यस सम्मेलनले नेपालमा एउटा महत्वपूर्ण समस्यालाई सम्बोधन गर्न तयारी गरेको छ।

नेपालका आगामी नेतृत्वहरूको दृष्टिकाेणलाई प्रभाव पार्न उद्योग विशेषज्ञहरूको नेतृत्वमा रोमाञ्चक कार्यशालाहरू, रोटर्याक्ट क्लबहरूले गरेका ग्राउन्डब्रेकिंग परियोजनाहरू र पहलहरू हाइलाइट पनि सम्मेलनमा प्रस्तुत गरिने रोटर्याक्ट डिस्ट्रिक ३२९२ का कार्यकरी डिआरआर रोशन कार्कीले जानकारी दिए ।