निष्पक्ष र विश्वसनीय खबरको सँगालो 
Khabar Punja
११ आश्विन २०८१, शनिबार
काठमाडौँ । पठाओ नेपालको ‘पठाओ सुपरफेस्ट-२०२३’ सम्पन्न भएको छ । २१ दिनको सुपरफेस्ट अवधिमा करिब साढे २ लाखभन्दा बढी अर्डर डेलिभरी गरिएको पठाओका प्रवक्ता शशांक शमशेर थापाले जानकारी दिए ।
सामान्य दिनमा पठाओ हिरोहरूले औसत दैनिक ९०० रुपैयाँ कमाउँदै आएकोमा सुपरफेस्ट अवधिमा दैनिक १ हजार ४ सय रुपैयाँ पुगेको थापाले बताए ।
‘अफर यस्तो बबाल, ब्रह्माण्ड नै लोभिन्छ’ भन्ने नारा सहित पुस ५ देखि सुपरफेस्ट सुरू गरिएको थियो ।
सुपरफेस्टमा सम्राट प्रसाद शाह भाग्यशाली विजेता बनेका छन् ।
सुपरफेस्ट अवधिमा पठाओको सेवा उपभोग गर्नेहरू मध्येबाट लक्की ड्र मार्फत भाग्यशाली बिजेता बनेका शाहलाई बम्पर उपहारमा ५५ इन्चको ४के एमआई स्मार्ट एनड्रोइड टिभी दिइएको थापाले जानकारी दिए ।
पठाओले सुपरफेस्टको नारा बमोजिम केही दिनदेखि एलियन भेषमा पठाओको लोगो अंकित कपडा र झोलासहित काठमाडौं उपत्यकाका विभिन्न ठाउँहरूमा केही व्यक्तिहरूलाई उभ्याएको थियो । कम्पनीले यसलाई गुरिल्ला मार्केटिङ भनेको छ । जुन नेपालमै पहिलो पटक गरिएको कम्पनीले जनाएको छ ।
एलियनहरू पठाओको सुपरफेस्ट देखेर ब्रह्माण्डबाटै फुड खान आएको थिममा कम्पनीले यस्तो प्रचार गरेको थियो ।
सुपरफेस्टमा पठाओ फुडमा मात्र अफरहरू नभएर राइडहरूमा पनि टन्नै रमाइला अफरहरू दिइएको थियो ।
कम्पनीले बाइक तथा कार राइड र पठाओ फुडमा ८० प्रतिशतसम्म छुट दिइएको दिइएको थियो ।
यस फेस्टमा १ प्लेटमा २० वटा म:म:, फ्राइज् किन्दा बर्गर फ्री, झोल किन्दा म:म: फ्री, एक रुपैयाँमै पिज्जा/ बर्गर/ म:म:/ बिर्यानी लगायत सोच्नै नसकिने अफरहरू राखिएको थियो ।
थापाका अनुसार, अफरहरू हरेक दिन बिहान ९ बजेदेखि राति ९ बजेसम्म फ्ल्याश सेल्स तथा रेष्टुराँ अर्डरहरूमा ८० प्रतिशतसम्मको छुटजस्ता लोभलाग्दा अफर र पठाओ फुडमा निशुल्क डेलिभरीको सुविधा समेत दिइएको थियो ।
साथै ग्राहकहरूलाई हरेक अर्डरमा स्योरशट प्राइजको स्क्र्याच कार्ड दिइएको थियो ।
कम्पनीका अनुसार, सुपरफेस्टमा वेस्ट पठाओ हिरोहरूले साइकल, मोबाइल फोन, ज्याकेट, इन्स्योरेन्स पोलिसी लगायतका उपहार जितेका छन् ।
सुपरफेस्टमा ५० जनाभन्दा बढीले ६ महिनाको इन्टरनेट सब्स्क्रिप्सन, एमआई एयरबड्स, एमआई फोन, डोल्पो ज्याकेट लगायत जितेका छन् । यस्तै १० जना पठाओ हिरोलाई स्मार्ट फोन, ज्याकेट समेत जितेको थापाले जानकारी दिए ।
सुपरफेस्ट अवधिमा रेष्टुरेन्टहरूमा ग्राहकको भन्दा पठाओ हिरोहरूको भिड देखिएको थियो । कम्पनीले यसअघि पनि विभिन्न फेस्टहरू सम्पन्न गरेको थियो । ती फेस्टहरू भन्दा सुपरफेस्टमा ग्राहकहरूको बढी आकर्षण देखिएको थापाले बताए ।
अंग्रेजी नयाँ वर्ष र क्रिसमसको अवसरमा पठाओले ‘पठाओ सुपरफेस्ट-२०२३’ सुपरफेस्ट आयोजना गरेको थियो ।
