निष्पक्ष र विश्वसनीय खबरको सँगालो 
Khabar Punja
१९ मंसिर २०८१, बिहीबार
दमौली । व्यास नगरपालिका-६ सॉगे निवासी क्यान्सर पीडित विमला शाहीको उपचारार्थ पूर्व विद्यार्थी निर्मल मावि २०४५ एसएसली समूहले आर्थिक सहयोग गरेको छ।
समूहले निजको उपचारमा सहयोग पुर्याउन १५ हजार ५ सय सहयोग गरेको हो । उक्त रकम मंगलबार समूहको अध्यक्ष त्रिभुवन श्रेष्ठले पीडितका बाबुलाई हस्तान्तरण गरेका छन् । समूहका सदस्यबाट रकम जुटाएर सहयोग प्रदान गरिएको श्रेष्ठले जानकारी दिए ।
उक्त समूहले यसअघि पनि विविध सामाजिक सेवामा सहयोग गर्दै आएको छ । समूहले मिर्गौला, मुटुरोगी तथा कोभिडको समयमा निशुल्क भोजन, किरियापुत्रीलाई सहयोगका साथै केही समय अगाडी सिद्धेश्वरी माविका ३३ विद्यार्थीलाई न्यानो कपडा प्रदान गरेको थियो ।
