निष्पक्ष र विश्वसनीय खबरको सँगालो 
Khabar Punja
२२ बैशाख २०८१, शनिबार
दमौली । यातायात व्यवस्था कार्यालय तनहँुमा मोटरसाइकलको प्रयोगात्मक परीक्षा दिने क्रममा एक नक्कली परीक्षार्थीलाई प्रहरीले पक्राउ गरेको छ । बन्दीपुर गाउँपालिका– विमलनगरस्थित कार्यालयमा मोटरसाइकलको प्रयोगात्मक परीक्षा (ट्रायल) दिने क्रममा बुधबार एक जना परीक्षार्थी पक्राउ परेका हुन् ।
पक्राउ पर्नेमा भानु नगरपालिका–४ बस्ने ३० वर्षीय पूर्ण थापा मगर रहेको प्रहरी नायब उपरिक्षक मोहनबहादुर खाँणले जानकारी दिए । निज सोही वडाका ३५ वर्षीय सुरेश थापा मगरको नाममा किर्ते सही छाप गरी प्रयोगात्मक परीक्षामा सहभागी भएका थिए । प्रहरीले पक्राउ परेका थापा विरुद्ध किर्ते सम्बन्धी कसुरमा तनहुँ जिल्ला अदालतबाट पाँच दिनको म्याद थप गरी अनुसन्धान गरिरहेको जनाएको छ ।
