निष्पक्ष र विश्वसनीय खबरको सँगालो 
Khabar Punja
२५ बैशाख २०८३, शनिबार
काठमाडौ । बाँसबारी छालाजुत्ता कारखानाको सरकारी जग्गा व्यक्तिका नाममा ल्याउनेहरूमाथि नेपाल प्रहरीको केन्द्रीय अनुसन्धान व्युरो (सिआइबी) ले कीर्ते कागज र ठगीअन्तर्गत कारबाही अघि बढाउने भएको छ।सिआइबीले सरकारी जग्गा हडपेको आरोपमा बिहीबार व्यापारी अरूणकुमार चौधरीसहित तीन जनालाई पक्राउ गरेको थियो।
शुक्रबार पत्रकार सम्मेलन गर्दै सिआइबीले चौधरी, कारखानाका तत्कालीन कार्यकारी अध्यक्ष अजितनारायण सिंह थापा र च्याम्पियन फुटवेयर प्रालि, सिजी चांदवाग रेसिडेन्सी प्रालिका सञ्चालक सञ्जय ठाकुरलाई कीर्ते कागज र ठगीअन्तर्गत कारबाही गरिने बताएको छ।उनीहरूमाथि छालाजुत्ता कारखानाको १० रोपनी जग्गा सरकारी निर्णयबिना नै व्यक्तिका नाममा दर्ता गरेको आरोप छ।
