निष्पक्ष र विश्वसनीय खबरको सँगालो 
Khabar Punja
१८ बैशाख २०८१, मंगलवार
दमाैली । तनहुँको ऋषिङ गाउँपालिका–६ दाउन्नेमा आगलागीमा परेर शुक्रबार पाँच वर्षीय बालकको मृत्यु भएको छ । मृत्यु हुनेमा शिशिर थापा रहेको जिल्ला प्रहरी कार्यालय तनहुँले जनाएको छ ।
स्थानीय ऋषिराम थापा मगरको घरमा कोही नभएको अवस्थामा गाइ, गोरु बाँध्ने गोठमा निजको नाति थापाले सुकेको पराल, काठ दाउरा समेत रहेको स्थानमा लाइटर खेलाउने क्रममा अचानक आगलागी भई आगोले जलेर बालकको मृत्यु भएको प्रहरी नायब उपरिक्षक मोहनबहादुर खाँणले जानकारी दिए।
आगलागीमा बालकको शरीरका पछाडिका सबै भाग जलेको थियो । आगलागीबाट गोठमा रहेका दाउरा, काठ, पात र पराल समेत जलेर नष्ट भएको छ ।
