दमाैली । लियो क्लव अफ तनहँुले आयोजना गरेको छैटौ लियो कप सेभेन ए साइड फुटबल प्रतियाेगिताकाे उपाधि लायन्स क्लव अफ तनहुँ दमौली जितेको छ । शनिबार सम्पन्न फाइनल खेलमा रोट¥याक्ट क्लव अफ दमौलीलाई पराजित गर्दै लायन्सले उपाधि जितेको हो ।
निर्धारित समयमा दुवै टिमबाट एक÷एक गोल भएपछि खेल ट्राइबेकरमा पुगेको थियो । ट्राइबेकरमा लायन्स २–१ ले विजयी भएको आयोजना लियो क्लवका प्रथम उपाध्यक्ष सागर घिमिरेले जानकारी दिए ।
उपाधिसँगै लायन्सले नगद रु २५ हजार पाँच सय ५५ प्राप्त गरेको छ । उपविजेता रोट¥याक्टले रु १५ हजार ५ सय ५५ मा चित्त बुझायो ।
शनिबार नै भएको सेमिफाइनलमा जेसीआई व्यास नगरलाई पराजित गर्दै रोट¥याक्ट क्लव फाइनल पुगेको थियो । त्यस्तै लायन्स क्लव अफ तनहुँ भानुभक्तलाई पराजित गर्दै लायन्स क्लव अफ तनहुँ दमौली फाइनल पुगेको थियो ।
विजेतालाई व्यास नगरपालिकाका प्रमुख वैकुण्ठ न्यौपानेले पुरस्कार वितरण गरेका थिए । प्रतियोगितामा आठ वटा टिमको सहभागिता थियो ।