निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
काठमाडौं । नौबिसे-मलेखु सडकखण्ड बुधबारदेखि १५ दिन बन्द हुने भएको छ ।
सडक विभागअन्तर्गत नागढुंगा-मुग्लिन सडक योजनाले एक सूचना जारी गर्दै नौबिसे-मलेखु सडक खण्डमा पर्ने गणेश खोला, डांगडुंग खोला, खेस्टे खोला र पोखरे खोला पुलहरुको गर्डर लन्चिङ कार्य हुने जनाएको छ ।
जसकारण हुन सक्ने जोखिम तथा यातायात आवागमनमा समेत बाधा पर्न जाने देखिएकोले सम्भावित जोखिमलाई मध्यनजर गर्दै बुधबारदेखि साउन ९ गतेसम्म हरेक दिन बेलुका १० बजेदेखि बिहान ३ बजेसम्म सम्पूर्ण सवारी साधनहरु रोकिने बताइएको छ ।
एम्बुलेन्स र सुरक्षा निकायले प्रयोग गर्ने सवारी साधनलाई भने बाधा नपुग्ने सूचनामा भनिएको छ ।नौबिसे–मलेखु सडक विकल्पमा गल्छी–बिदुर छहरे टोखा सडक प्रयोग गर्न सकिने छ ।
