निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
काठमाडौ । बारा-४ का सांसद एवं पूर्वमन्त्री कृष्णकुमार श्रेष्ठ किसानले पहाडमा भन्दा मधेसमा सामुदायिक विद्यालयको अवस्था बिजोग रहेको बताएका छन् । प्रतिनिधि सभाको शिक्षा सम्बन्धि समितिको बिहीबारको बैठकमा बोल्दै सांसद श्रेष्ठले मधेशमा विद्यालयहरुको अवस्था बिजोग भएको हुँदा पुर्वाधार निर्माणको बारेमा सोच्नुपर्ने बताए ।
आफू यस अगाडी पॉच वर्ष तनहुँको सांसद भईसकेको र हाल मधेश प्रदेशको बारा जिल्लाको सांसदको रुपमा रहँदा उक्त दुई भुगोलको विद्यालयहरुको तुलना गर्दा मधेसमा धेरै नै बिजोग पाएको बताए । मधेशमा विद्यालय भवन नहुँदा विद्यार्थीहरु आँपको बगैंचामा त कतै फुसको छानामुनी बसेर पनि पढ्नु परेको सांसद श्रेष्ठले बताए ।
नयाँ सरकारसँग विद्यालयको पुर्वाधार निर्माणको लागि बजेट विनियोजन गर्न माग गर्नुपर्ने सांसद श्रेष्ठले बताए । पहाडी क्षेत्रका गाउँका विद्यालयमा विद्यार्थी नहुँदा भवन रित्तै भएको तर मधेसमा विद्यार्थीहरुले पढ्न भवन समेत नपाएको श्रेष्ठले बताए ।
