निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
पोखरा । पोखराको महेन्द्रपुलमा एप्पल कम्पनीको आउटलेट सञ्चालनमा आएको छ । भदौको पहिलो सातादेखि आउटलेट सञ्चालनमा आएको एप्पल कम्पनीको आधिकारिक विक्रेता जोय ग्रुपका प्रमुख कार्यकारी अधिकृत मेघराज आचार्यले जानकारी दिए ।
जोय ग्रुप द्वारा काठमाडाैँको न्युरोडमा सञ्चालित जोय स्टोर्सको नयाँ शाखाको रूपमा महेन्द्रपुलमा जोय स्टोर्स खुलेको हो । यो ग्रुपले एप्पल कम्पनीका आधिकारिक उत्पादनहरूमा उपभोक्ताहरूको सहज पहुँच होस भन्ने हेतुले सेवा विस्तार गरेको आचार्यको भनाई छ ।
जोयले राजधानी बाहिर पहिलो पटक पर्यटकीय राजधानी पोखराको महेन्द्रपुलमा आफ्नो शाखा विस्तार गरेको हो । जोय ग्रुपका निर्देशक गुरू शर्मा तथा अध्यक्ष सागर ढकालले हालै महेन्द्रपुल स्थित नयाँ आउटलेटको उद्घाटन गरेका छन् ।
नयाँ आउटलेटमा आकर्षक अफरहरू सहित एप्पल कम्पनीका उत्पादनहरू बिक्री वितरण गरिने आचार्यले जानकारी दिएका छन् । बिक्रीका साथै मर्मत सम्भार तथा एसोसरिजहरुको पनि उपलब्धता रहेको जोय ग्रुपले जनाएको छ ।
नयाँ आउटलेटबाट एप्पल कम्पनीका पारखीहरुलाई भरपुर सन्तुष्टि मिल्ने विश्वास ग्रुपका प्रमुख कार्यकारी अधिकृत आचार्यले व्यक्त गरेका छन् ।
