निष्पक्ष र विश्वसनीय खबरको सँगालो 
Khabar Punja
३० भाद्र २०८१, सोमबार
दमौली । म्याग्दे गाउँपालिका-२ जामुनेस्थित न्यु भिजन युवा क्लवको आयोजनामा शुक्रबारदेखि तीज गीत प्रतियोगिता सुरु भएको छ ।
हरेक वर्षझै यस वर्ष पनि क्लवले तीजको अवसर पारी खुल्ला तीज गीत प्रतियोगिता आयोजना गरेको हो ।
कार्यक्रमको राष्ट्रिय सभा सदस्य भगवती न्यौपानेले उदघाटन गरिन् । सो अवसरमा उनले सामाजिक विसङ्गति र कुरीति अन्त्यका लागि गीतका माध्यमबाट आवाज उठाउन आग्रह गरिन् ।
कार्यक्रममा म्याग्दे गाउँपालिकाका अध्यक्ष श्रीप्रसाद श्रेष्ठले क्लवले सामाजिक क्षेत्रमा पुर्याएको योगदान सराहनीय रहेको बताए ।
शनिबारसम्म सञ्चालन हुने प्रतियोगितामा तीज गीततर्फ १६ र नृत्यतर्फ १६ टिमको सहभागिता रहेको क्लवका अध्यक्ष राजिव श्रेष्ठले जानकारी दिए ।
प्रतियोगितामा प्रथम हुनेलाई २० हजार २ सय २२, द्वितीय हुनेलाई १३ हजार ३ सय ३३ र तृतीय हुनेलाई ७ हजार ७ सय ७७ प्रदान गरिनेछ ।
