निष्पक्ष र विश्वसनीय खबरको सँगालो 
Khabar Punja
३ पुष २०८१, बिहीबार
दमौली । लायन्स क्लव अफ तनहुँ शुक्लागण्डकी सिस्टर्सले शुक्लागण्डकी नगरपालिका-७ मा बसोबास गर्ने विपन्न पॉच घरपरिवारलाई रु पॉच लाख बराबरको स्वास्थ बीमा गराएको छ ।
त्यस्तै क्लवले भिमाद नगरपालिका-२ निवासी दुवै मृगौला खराब भएकी बिरामी अनिसा राना मगरलाई उपचारमा सहयोगका लागि रु आठ हजार सात सय ३५ सहयोग गरेको छ ।
सामाजिक उत्तरदायित्व अन्तर्गत क्लवले विपन्न परिवारको बीमा गराउनुका साथै मिर्गौला पीडितलाई सहयोग गरेको क्लवका अध्यक्ष तुलसी कुमारी श्रेष्ठले जानकारी दिइन् ।
कार्यक्रममा लायन्स इन्टरनेसनल डिष्ट्रिक्ट ३२५ एल नेपालका डिस्ट्रिक्ट को-चिफ एडभाईजर अमृत बराल, डिष्ट्रिक्टका जिएसटी कोअर्डीनेटर सुजित हिराचन, डिपार्टमेन्ट को-चिफ समुन्द्रराम श्रेष्ठ, जोन चियरपर्सन पिताम्बर तिमिल्सिना, डिष्ट्रिक्ट चियरपर्सन प्रमोद लामिछाने, लायन्क क्लव तनहुँ खैरेनीटारका प्रथम उपाध्यक्ष सुरेन्द्र श्रेष्ठ लगायतको उपस्थिति थियो ।
