Khabar Punja

दमौली । राष्ट्रपति रामचन्द्र पौडेलका पूर्व निजी सचिव चिरञ्जीवि अधिकारीले राष्ट्रपतिका लागि धेरै सल्लाहकार आवश्यक नरहेको बताएका छन् ।

अधिकारीले आइतबार सामाजिक सञ्जालमा लेख्दै भनेका छन्, ‘मेरो अनुभवमा सम्माननीय राष्ट्रपतिज्यूका लागि परराष्ट्र र कानूनी सल्लाहकार र सम्माननीय प्रधानमन्त्रीज्युका लागि परराष्ट्र , प्रसशानिक कानुनी सल्लाहकार भन्दा अरु आवश्यक छैन जस्तो लाग्छ । त्यहि अनुसारको कर्मचारीको सङ्ख्या पनि घटाउन आवश्यक छ । यदि साचिकै देशको खर्च कटौती गर्ने हो भने पहिला यहीबाट कटौती सुरु गर्न जरुरी छ ।’

उनले अहिले देशमा सरकारी खर्च कटौतीको विषयमा बहस भइरहँदा तल्लो तहबाट हैन माथिल्लो तहबाट खर्च कटौती गर्न आवश्यक रहेको उल्लेख गरेका छन् ।