निष्पक्ष र विश्वसनीय खबरको सँगालो 
Khabar Punja
११ चैत्र २०८१, बुधबार
दमाैली, १२ चैत । तनहुँकाे भानु नगरपालिका-७ बसन्तपुरस्थित थानीमाइ मन्दिरमा चैतकाे दाेस्राे मङ्गलबार फूलकाे डाेली भित्रिएन । दाेस्राे मङ्गलबार एकादशी परेका कारण मन्दिरमा फूलकाे डाेली नभित्रिएकाे हाे । त्यस्तै चैतकाे पहिलाे मङ्गलबार पनि मन्दिरमा फूलकाे डाेली भित्रिएकाे थिएन ।
प्रत्येक वर्ष कात्तिक, मङ्सिर, माघ, फागुन र चैत महिनाको मङ्गलबार थानीमाई मन्दिरमा देशका विभिन्न ठाउँबाट आएका भक्तजनले फूलको डोली चढाउने गर्दछन् ।
उक्त महिनाको मङ्गलबार मन्दिरमा फूलको डोली चढाउन सर्वसाधारणको भीड लाग्ने गर्दछ । मन्दिरमा फूलको डोली चढाउनाले मनको इच्छा पूरा हुने धार्मिक विश्वास रहिआएको मन्दिर व्यवस्थापन समितिका अध्यक्ष जीवन थापाले जानकारी दिए ।
