निष्पक्ष र विश्वसनीय खबरको सँगालो 
Khabar Punja
११ चैत्र २०८१, बुधबार
दमाैली, १२ चैत । राष्ट्रिय रुपमा वैदिक सनातन हिन्दू राष्ट्र स्थापनाको एजेण्डा उठिरहेका बेला तनहुँ कांग्रेस भित्र समेत वैदिक सनातन हिन्दू राष्ट्र स्थापनाको एजेण्डा उठेको छ । नेपाली कांग्रेस तनहुँको मंगलबार बसेको बैठकमा कांग्रेस जिल्ला सदस्य डम्बर अधिकारीले वैदिक सनातन हिन्दू राष्ट्र स्थापना र प्रदेश संरचना खारेजीको एजेण्डा उठाएका हुन् ।
यी दुवै विषयलाई जिल्ला सम्मेलनको प्रतिवेदनमा पेश गर्नुपर्ने जिल्ला सदस्य अधिकारीको माग रहेको थियो । अधिकारीले उठान गरेको विषयप्रति सभापति जीतप्रकाश आलेले वैदिक सनातन हिन्दू राष्ट्र स्थापनाको विषय जिल्ला तहबाट भन्दा केन्द्र तहबाट उठेको खण्डमा सार्थकता पाउने भन्दै तर्किन पुगेका थिए ।
वैदिक सनातन हिन्दू राष्ट्र स्थापना र प्रदेश संरचना खारेजीको विषयमा जिल्ला सदस्य अधिकारीले जिल्ला सम्मेलनमा समेत उठान गर्ने तयारी गरिरहेका छन् ।
