निष्पक्ष र विश्वसनीय खबरको सँगालो 
Khabar Punja
२४ बैशाख २०८३, शुक्रबार
दमाैली, २२ चैत । डुम्रे बेसीशहर सडकखण्ड अन्तर्गत तनहुँको भानु नगरपालिका–१ अंधेरीमा आज साँझ ४ः३५ बजे यात्रुवाहक बस दुर्घटना हुँदा २० जना घाइते भएका छन् ।
नारायणगढबाट बेसीशहर जाँदै गरेको ग १ ख ६४९८ नम्बरको बस अनियन्त्रित भई दुर्घटना हुँदा २० जना घाइते भएको जिल्ला प्रहरी कार्यालय तनहुँले जनाएको छ ।
घाइतेहरुको डुम्रेस्थित लक्ष्मी अस्पताल र मोती मेडिकल हलमा उपचार भइरहेको जिल्ला प्रहरी कार्यालय तनहुँका प्रहरी निरीक्षक राजु अधिकारीले जानकारी दिए । दुर्घटनापश्चात् बस चालक फरार रहेको उनले बताए ।
बस सडकबाट बायाँसाइडमा पल्टिएको थियो । दुर्घटनाका घाइतेहरुको नेपाली सेनाको रुरु भैरवदल गण, मनकामना सशस्त्र प्रहरी बल र इलाका प्रहरी कार्यालय भानुका प्रहरीहरुले उद्धार गरेका थिए ।
