दमौली, २४ चैत । व्यास र बन्दीपुरका विभिन्न वडामा तीन दिन दैनिक नौ घण्टा विद्युत अवरुद्घ हुने भएको छ। सोमबारदेखि बुधबारसम्म बिहान ८ बजेदेखि सॉझ ५ बजेसम्म विद्युत अवरुद्ध हुन लागेको हो।

दमौली – भरतपुर १३२ के.भी. ट्रान्समिसन लाईनको कन्डक्टर अपग्रेडिङ कार्यका लागि दमौली सवस्टेशनबाट वितरित छाब्दी फिडर अन्तर्गतको व्यास-१ रत्यली, मोरीयाटार, छाब्दी बजार व्यास-१३ पोखरीभन्ज्याङ, कुकुरढुङे , बेनिकोट, व्यास-१४ केशवटार रुम्सी, हर्कपुर, थिङ, नयाँगाउँ , सुदेर, बन्दीपुर-३ , सुखौरा र दमौली फीडर अन्तर्गत चार्कुने, लीचीघारी भादगाउ खानेपानी कार्यलय लगायत स्थानहरुमा विद्युत अवरुद्ध हुने नेपाल विद्युत प्राधिकरण तनहुँ वितरण केन्द्रले जनाएको छ।