निष्पक्ष र विश्वसनीय खबरको सँगालो 
Khabar Punja
१ मंसिर २०८२, सोमबार
दमौली, ५ साउन । म्याग्दे गाउँपालिका–१ गुणादी निवासी अपाङ्गता भएकी नविना खनाललाई जिल्ला प्रशासन कार्यालय तनहुँले घरमै पुगेर नागरिकता उपलब्ध गराएको छ । जन्मजात शारीरिक अपाङ्गता भएकी २० वर्षीया नविनालाई प्रमुख जिल्ला अधिकारी रामकृष्ण अधिकारीले सोमबार घरमै पुगेर नागरिकताको प्रमाणपत्र उपलब्ध गराएका हुन् ।
नविनाको नागरिकता प्रमाणपत्रको सम्पूर्ण विवरण जिल्ला प्रशासन कार्यालयबाट नै तयार गरि उनको औठाछाप घरमै लगाएर प्रजिअ अधिकारीले नागरिकताको प्रमाणपत्र प्रदान गरेका हुन् ।
प्रमुख जिल्ला अधिकारी अधिकारीले भने, “नागरिकहरुलाई छिटो, छरितो र सहुलियत ढङ्गले सेवा प्रवाह गर्नु हाम्रो कर्तव्य हो, उहाँ अपाङ्गता भएका कारण आवतजावतमा समस्या हुने भएपछि घरमै पुगेर नागरिकता दियौ ।”
