निष्पक्ष र विश्वसनीय खबरको सँगालो 
Khabar Punja
२ भाद्र २०८२, मंगलवार
दमौली, ८ साउन । व्यास नगरपालिका-३ स्थित तरकारी लाइनमा प्लाष्टिक झोला अनुगमनमा पुगेका नगरपालिकाका जनप्रतिनिधि र कर्मचारीमाथि बुधबार तथानाम गाली गर्ने व्यापारीलाई नियन्त्रणमा लिइएको छ । नगर प्रहरीले बिहीबार बिहान पिन्टु (काले) किराना पसलका सञ्चालकलाई नियन्त्रणमा लिएको हो ।
यस्तै उक्त पसल बन्द गराइएको छ । जनप्रतिनिधि र कर्मचारीलाई तथानाम गाली गर्दा समेत नगर प्रहरी मुखदर्शक भएको भन्दै आलोचना भएको थियो ।
प्लाष्टिक झोला निषेध गरिएको नगरपालिकाभित्र अनुगमनका लागि पुगेका टोलीलाई बुधबार तरकारी लाइनका व्यापारीले तथानाम गाली गरेका थिए ।
वन तथा वातावरण समितिका संयोजक रनसिंह नेपालीलाई अनुगमनका क्रममा तथानाम भन्दै गालीगलौच गरिएको थियो । अनुगमनका क्रममा पसलभित्र जबरजस्ती छिरेको व्यापारीको आरोप छ ।
