निष्पक्ष र विश्वसनीय खबरको सँगालो 
Khabar Punja
९ पुष २०८२, बिहीबार
दमाैली, १८ साउन । साउन २९ गतेदेखि सञ्चालन हुने माध्यमिक शिक्षा परीक्षा (एसइइ) को पुरक परीक्षाका लागि तनहुँमा चार वटा केन्द्र तोकिएको छ । गत साउन २ गते बसेको जिल्ला परीक्षा समन्वय समितिको बैठकले एसइइ पुरक परीक्षाका लागि चार वटा परीक्षा केन्द्र र केन्द्राध्यक्ष तोक्ने निर्णय गरेको हो ।
पुरक परीक्षामा सहभागी हुने प्राविधिक धारतर्फका सबै परीक्षार्थीका लागि परीक्षा केन्द्र दमौलीस्थित सत्यवती माध्यमिक विद्यालय कायम गरिएको शिक्षा विकास तथा समन्वय इकाइ तनहुँका प्रमुख कृष्णप्रसाद श्रेष्ठले जानकारी दिए ।
परीक्षामा साधारणतर्फ एक हजार चार सय ४९ र प्राविधिकतर्फ २७ गरी एक हजार सात सय ७६ परीक्षार्थी सहभागी हुँदैछन् ।
