निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
दमाैली, ७ भदाै । तनहुँकाे आँबुखैरेनी गाउँपालिका–२ ढापटारस्थित मस्र्याङ्दी नदीमा शनिबार मृत अवस्थामा भेटिएका व्यक्तिको सनाखत भएको छ ।
मृत अवस्थामा भेटिएका व्यक्ति चितवनको कालिका नगरपालिका–१० छेरबाङ घर भएका १९ वर्षीय उत्तरकुमार प्रजा रहेको जिल्ला प्रहरी कार्यालय तनहुँले जनाएको छ । निज लमजुङको दोर्दी गाउँपालिका–३ मा सञ्चालित उत्तरदेवी कृषि फर्ममा २५ दिन अगाडीदेखि काम गर्दै आएका थिए ।
दोर्दी खोलामा पौडी खेल्ने क्रममा गत भदौ २ गतेदेखि बेपत्ता भएका निजको शव आज मस्र्याङ्दी नदीमा भेटिएको थियो । मृत अवस्थामा भेटिएका व्यक्तिको शवको निजका दाजु चन्द्रकुमार प्रजाले प्रदेश अस्पताल दमौलीमा आइ सनाखत गरेको प्रहरी निरीक्षक आशिष विश्वकर्माले जानकारी दिए ।
