निष्पक्ष र विश्वसनीय खबरको सँगालो 
Khabar Punja
७ माघ २०८२, बुधबार
डडेलधुरा, १२ भदौ । डडेल्धुरामा जीप दुर्घटना हुँदा चार जनाको ज्यान गएको छ । जिल्लाको नवदुर्गा गाउँपालिका–५ को चौडको कच्ची सडक खण्डमा बिहीबार बिहान से १ ज ७३८ नम्बरको जीप दुर्घटना हुँदा चार जनाको मृत्यु भएको हो ।
ठाडा बजारबाट डडेल्धुरा सदरमुकामतर्फ जाँदै गरेको जीप दुर्घटनामा परेको जिल्ला प्रहरी कार्यालय डडेल्धुराका निमित्त प्रमुख प्रहरी निरीक्षक डम्बर विष्टले जानकारी दिए ।
उनका अनुसार जीप सडकबाट करिब पाँच सय मिटर तल जंगलमा खसेको हो । मृतकको सनाखत हुन सकेको छैन । दुर्घटनाको कारण पनि खुल्न बाँकी रहेको प्रहरीले जनाएको छ ।
