निष्पक्ष र विश्वसनीय खबरको सँगालो 
Khabar Punja
२८ मंसिर २०८२, आईतवार
दमौली, १३ भदौ । पृथ्वीराजमार्ग अन्तर्गत दमौलीको मुख्यचोकमा सवारी दुर्घटना न्यूनीकरणका लागि सचेतना जगाउने उद्धेश्य सहित भिडिओ सन्देश सार्वजनिक गरिएको छ ।
सामाजिक अभियान्ता सुदीप गफ्फारको कल्पना, जिल्ला ट्राफिक प्रहरी कार्यालय तनहुँ र रामज्योति बोर्डिङ स्कूलको सहयोगमा भिडिओ निर्माण गरी सार्वजनिक गरिएको हो ।
भिडिओमा मुख्यचोकमा जथाभावी बाटो नकाट्न र जेब्रा क्रसबाट मात्रै बाटो काट्न सन्देश दिइएको छ ।
मुख्यचोक पैदलयात्रीका लागि असुरक्षित बनेपछि सचेतना जगाउन भिडिओ निर्माण गरिएको सामाजिक अभियान्ता गफ्फारले बताए । उनले भने, ‘जथाभावी बाटो काट्दा दुर्घटनाको जोखिम हुने भएकाले सबैलाई सचेत गराउने प्रयास गरिएको छ ।
भिडिओमा रामज्योति बोर्डिङ स्कूलका विद्यार्थीहरुले अभिनय गरेका छन् । भिडिओको छायाङ्कन विमल फोटोग्राफीका विमल श्रेष्ठले गरेका हुन् ।
