निष्पक्ष र विश्वसनीय खबरको सँगालो 
Khabar Punja
२१ मंसिर २०८२, आईतवार
एजेन्सी, २६ असोज । गजामा युद्धविराम गर्ने सहमति भएपछि त्यहाँबाट विस्थापित भएका हजारौं प्यालेस्टिनीहरू फर्कन थालेका छन्।
इजिप्टमा विहीबार भएको अप्रत्यक्ष वार्तामा युद्धविराम गर्ने सहमति जुटेको भोलिपल्टैदेखि गजामा मानिसहरू फर्कन थालेका हुन्।
शनिबार अबेरसम्म २ लाखभन्दा बढी मानिसहरू गजा फर्किएको अमेरिकी पत्रिका द न्युयोर्क टाइम्सले जनाएको छ।
इसराइलले भीषण आक्रमण गरेपछि विस्थापित भएकाहरू पैदल नै गजा सिटी फर्किन थालेका हुन्।
गजा फर्किएकाहरु आफ्नो घर खोजिरहेका छन्। तर इसराइली हमलाबाट ध्वस्त बनेको गजामा कुनै घर सग्ला नभेटिएपछि उनीहरू निराश बनेका छन्।
२ वर्षअघिसम्म सग्लो रहेको सहर अहिले खण्डहर बनेको उनीहरूले भेटेका छन्।
