निष्पक्ष र विश्वसनीय खबरको सँगालो 
Khabar Punja
२६ असार २०८३, शनिबार
दमाैली २७ असार । व्यास नगरपालिकाले महिला तथा अपाङ्गता भएका व्यक्तिका नाममा घर नक्सा पास गर्दा लाग्ने दस्तुरमा १० प्रतिशत छुट दिने निर्णय गरेको छ।
शनिबार सम्पन्न नगरपालिकाको ४५औँ नगरसभाको दोस्रो बैठकले महिलाहरू तथा क, ख र ग वर्गका अपाङ्गता भएका व्यक्तिहरूका नाममा घर नक्सा पासका लागि आवेदन परेमा लाग्ने दस्तुरमा १० प्रतिशत छुट प्रदान गर्ने निर्णय गरेको हो।
नगरपालिकाका प्रवक्ता सुरेश थापाका अनुसार उक्त निर्णयले महिलाको सम्पत्ति स्वामित्वलाई प्रोत्साहन गर्नुका साथै अपाङ्गता भएका व्यक्तिलाई सहुलियत प्रदान गर्ने उद्देश्य राखेको छ। नगरसभाबाट पारित निर्णय आगामी आर्थिक वर्षदेखि कार्यान्वयनमा आउने जनाइएको छ।
