निष्पक्ष र विश्वसनीय खबरको सँगालो 
Khabar Punja
१८ भाद्र २०८३, शुक्रबार
दमौली, १८ भदौ। तनहुँको व्यास नगरपालिका–४, दमौलीस्थित दमौली मुस्लिम समाजले बाढीपीडितको राहत तथा उद्धारका लागि प्रधानमन्त्री दैवी प्रकोप उद्धार कोषमा रु. १ लाख ५ सय सहयोग गरेको छ।
समाजले दमौली मुस्लिम अन्जुमन कमिटीमार्फत उक्त रकम प्रधानमन्त्री दैवी प्रकोप उद्धार कोषमा जम्मा गरेको जनाएको छ।
विपद्को कठिन परिस्थितिमा पीडित नागरिकको सहयोगका लागि समाजका दाजुभाइ तथा दिदीबहिनीहरूले गरेको सहयोगप्रति कमिटीले हार्दिक धन्यवाद व्यक्त गरेको छ।
कमिटीका सचिव मन्सुर अहमदले पीडितको विपदको यस घडीमा सबैले सकेको सहयोग गर्नुपर्ने बताए ।
