निष्पक्ष र विश्वसनीय खबरको सँगालो 
Khabar Punja
११ कार्तिक २०८३, बुधबार
तनहुँ ११ कात्तिक । आगामी स्थानीय तहको निर्वाचनलाई लक्षित गर्दै राष्ट्रिय स्वतन्त्र पार्टी (रास्वपा) बाट तनहुँका छ गाउँपालिकाको अध्यक्ष पदको उम्मेदवार बन्न २३ जनाले आवेदन दिएका छन् ।
तनहुँमा रहेका छ गाउँपालिकामध्ये आँबुखैरेनी, बन्दीपुर, देवघाट, घिरिङ, म्याग्दे र ऋषिङ गाउँपालिकाको अध्यक्ष पदका लागि आकांक्षीहरूले आवेदन दिएका हुन् । प्राप्त विवरणअनुसार सबैभन्दा बढी बन्दीपुर र घिरिङ गाउँपालिकामा छ–छ जनाले अध्यक्ष पदको आकांक्षा राखेका छन् ।
आँबुखैरेनी गाउँपालिकाको अध्यक्ष पदका लागि दुई, बन्दीपुरमा छ, देवघाटमा चार, घिरिङमा छ, म्याग्देमा चार र ऋषिङ गाउँपालिकामा एक जनाले आवेदन दिएका छन् ।
गाउँपालिकागत रूपमा हेर्दा बन्दीपुर र घिरिङमा समान छ जना आकांक्षी छन् । देवघाट र म्याग्देमा चार–चार जना तथा आँबुखैरेनीमा दुई जनाले आवेदन दिएका छन् । ऋषिङ गाउँपालिकामा भने अध्यक्ष पदका लागि एक जनाको मात्रै आवेदन परेको छ ।
छ गाउँपालिकाका अध्यक्ष पदका लागि २३ जनाले आवेदन दिएसँगै रास्वपाभित्र स्थानीय तहको नेतृत्वका लागि आकांक्षा देखाउनेको सङ्ख्या उल्लेख्य रहेको देखिएको छ । आवेदन दिएका सबै आकांक्षी उम्मेदवार बन्ने वा नबन्ने भन्ने विषय भने पार्टीको छनोट प्रक्रियामा निर्भर रहनेछ ।
