निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
पोखरा : पोखरा महानगरपालिकाका उपप्रमुख मञ्जुदेवी गुरुङले सीतापाइलामा रहेको पोखरा वृद्धाश्रमलाई थप सुविधासम्पन्न बनाउन आवश्यक रहेको बताउनुभएको छ ।
पोखरा वृद्धाश्रमले शुक्रबार आयोजना गरेको एक छलफल तथा भेटघाट कार्यक्रममा उहाँले सरकारले एउटा प्रदेशमा एक वृद्धाश्रमको अवधारणा अगाडी सारेको सन्दर्भमा आश्रमले थप संरचनाको विकास गर्न जरुरी रहेको बताउनुभयो ।
“सकेसम्म वृद्धवृद्धाहरुलाई घरमै राख्नु पर्दछ । उहाँको जिउँदो भगवान हो,” उहॉले भन्नुभयो । तर कतिपय अबस्थामा सहाराविहिन बाबाआमाहरु भेटिने भएकाले उहाँको जिम्मा आश्रमले लिने परिस्थिती रहेको उहाँको भनाई थियो ।
पोखरा महानगरपालिका वडा नं १७का वडाअध्यक्ष तिर्थराज अधिकारीले आश्रमलाई प्रदेशको एक नम्वर बनाउन आफ्नो तर्फबाट सबै प्रकारको सहयोग हुने बताउनुभयो ।
पोेखरा वृद्धाश्रमका अध्यक्ष कुसुमकेशव पराजुलीले आश्रमलाई बहुआयामिक रुपमा विकास गर्ने आफ्नो सपना रहेको बताउनुभयो ।
आश्रममा अहिले ६० जना बृद्धबृद्धाहरुले आश्रय लिन सक्ने क्षमता रहेको छ ।
