Khabar Punja

काठमाडाै : नेपालमा पछिल्लो २४ घण्टामा २ हजार १ सय २० जनामा कोरोना संक्रमण पुष्टि भएको छ। यससँगै नेपालमा हालसम्म कोरोना संक्रमण पुष्टि हुनेको संख्या ८४५७० जना पुगेको छ। स्वास्थ्य तथा जनसंख्या मन्त्रालयका अनुसार आज २०४४ जना निको भएका छन्। हालसम्म ६२७४० कोरोना संक्रमित निको भइसकेका छन्। यो ७४.१ प्रतिशत हो।

हाल मुलुकमा २१३०२ जना कोरोनाका सक्रिय संक्रमितहरू रहेका छन्। त्यसमध्ये ९७७३ जना संस्थागत र ११५२९ जना होम आइसोलेसनमा रहेका छन्। आज १२९७८ वटा पीसीआर परीक्षण गरिएको छ। हालसम्म कुल १०६१६६४ वटा पीसीआर परीक्षण भएको छ। त्यस्तै क्वारेन्टिनमा ४२७३ जना रहेका छन्। आईसीयूमा २१७ जना र भेन्टिलेटरमा ३१ जनाको उपचार भइरहेको छ।