निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
तनहुँ : लायन्स क्लव अफ तनहुँ म्याग्देले पसले आधारभूत विद्यालयका विद्यार्थीलाई शैक्षिक र स्वास्थ्य सामग्री वितरण गरेको छ । कोभिड–१९ को जोखिम कायमै रहेका बेला सञ्चालनमा आएका विद्यालयमा अध्ययनरत विद्यार्थीलाई क्लवले शुक्रबार शैक्षिक सामग्री वितरण गरेको हो ।
क्लवका अध्यक्ष भीमलाल श्रेष्ठका अनुसार विद्यालयलाई मास्क र स्यानीटाइजर समेत उपलब्ध गराइएको छ । सो अवसरमा ६ जना विद्यार्थीलाई किताब, कापी, कलम, २० जनालाई कापी कलम र १ सय १० जनालाई पुग्ने बिस्कुट, मास्क र स्यानीटाईजर उपलब्ध गराइएको छ ।
कार्यक्रममा क्लवका डिष्ट्रिक एड्भाइजर सन्तोष घिमिरे, वडाध्यक्ष श्रीबहादुर थापा लगायतले क्लवको कार्यको प्रशंसा गर्नुभयो ।
