निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : तनहुँको भीमाद नगरपालिकास्थित कोरोना सङ्क्रमण देखिएका एवं कन्ट्याक्ट ट्रेसिङमा परेका सबै कार्यालय बन्द हुने भएका छन् । कोरोना जोखिम नियन्त्रणका लागि नगरपालिकाले त्यस्ता सबै कार्यालय आइतबारदेखि बन्द गर्ने निर्णय गरेको हो ।
पिसीआर परीक्षण नतिजा नआएसम्म त्यस्ता सबै कार्यालय, व्यवसाय गर्ने पसल एवं व्यक्तिका घरहरु पूर्ण रुपमा बन्द गराउने निर्णय भएको नगरपालिकाका निमित्त प्रशासकीय अधिकृत पदमराज आचार्यले जानकारी दिनुभयो ।
नगरपालिकाले बिदाको समयमा अनावश्यक घुमफिर नगर्न तथा अनावश्यक काममा बाहेक बाहिर नहिँड्न पनि सर्वसाधारणलाई अनुरोध गरेको छ ।
