निष्पक्ष र विश्वसनीय खबरको सँगालो 
Khabar Punja
३ आश्विन २०८१, शुक्रबार
तनहुँ : खबरपुञ्ज डटकमको प्रधान सम्पादकमा प्रेमप्रसाद पौडेल नियुक्त हुनुभएको छ । खबरपुञ्ज मिडिया हाउस प्रालिको बिहीबार बसेको बैठकले डटकमको प्रधान सम्पादकमा पौडेललाई नियुक्त गरेको हो ।
विगत लामो समयदेखि पत्रकारितामा क्रियाशील पौडेललाई अनलाइनको प्रधान सम्पादकमा नियुक्त गरिएको मिडिया हाउस प्रालिका अध्यक्ष टिकाराम पनेरुले जानकारी दिनुभयो । पौडेलको नेतृत्वमा अनलाइनले सफलता हासिल गर्ने पनेरुले विश्वास व्यक्त गर्नुभयो ।
विसं २०५४ सालबाट हाम्रो संकल्प साप्ताहिकबाट पत्रकारिता शुरु गर्नुभएका पौडलले पोखरा हटलाइन, लोकवाणी दैनिकमा काम गरिसक्नुभएको छ । पौडेल नेपाल पत्रकार महासङ्घ तनहुँका पूर्व अध्यक्ष समेत हुनुहुन्छ ।
