निष्पक्ष र विश्वसनीय खबरको सँगालो 
Khabar Punja
२४ कार्तिक २०८१, आईतवार
तनहुँ : तनहुँको विभिन्न स्थानबाट अवैध रुपमा नदीजन्य पदार्थ उत्खनन् गर्ने सवारी साधनलाई प्रहरीले नियन्त्रणमा लिएको छ । व्यास नगरपालिका, म्याग्दे गाउँपालिका र बन्दीपुर गाउँपालिकाबाट प्रहरीले बिहीबार आठ सवारी साधनलाई नियन्त्रणमा लिएको हो ।
व्यास नगरपालिका–११ शेरास्थित बुल्दीखोला किनारबाट नदीजन्य पदार्थ उत्खनन् एवं लोड गर्दै गरेको अवस्थामा ग १ त ३४४८, ग १ त ४६१७ नम्बरको ट्याक्टर नियन्त्रणमा लिइएको प्रहरी नायब उपरिक्षक युवराज तिमिल्सिनाले जानकारी दिनुभयो ।
म्याग्दे गाउँपालिका–५ छाङपाटन स्थित निषेधित जग्गामा गिटी बालुवा उत्खनन् एवं लोड गरिरहेको अवस्थामा ग १ त १५५५ नम्बरको ट्याक्टर नियन्त्रणमा लिइएको छ ।
त्यस्तै बन्दिपुर गाउँपालिका–६ स्थित नमूना ग्रिट एण्ड क्रसर प्रालिबाट उत्पादित नदीजन्य पदार्थ लोड गरी ओसारपसार गर्दै गरेको अवस्थामा ना ७ ख ६१५, ग १ क ४२३८, ग १ ख ९२५३ र बा २ क ५२७६ नम्बरको टिप्पर नियन्त्रणमा लिइएको छ ।
नियन्त्रणमा लिइएका सवारी साधनलाई कारवाहीका लागि सम्बन्धित पालिकामा पठाइएको प्रहरीले जनाएको छ ।
