निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
तनहुँ : व्यास नगरपालिका-१२ भड्खाला स्थित मत्स्यकन्या आधारभूत विद्यालयका भुजेल समुदायका विद्यार्थीलाई न्यानाे कपडा वितरण गरिएकाे छ । केन्द्रीय भुजेल विद्यार्थी मञ्चद्वारा आइतबार विद्यालयका ४६ विद्यार्थीलाई जाडोमा लगाउने कपडा सहित झोला वितरण गरिएको हो ।
कार्यक्रममा भुजेल समाज सेवा समिति केन्द्रीय सचिव एवं सांस्कृतिक विभागका प्रमुख विमल जिसीले पहुँचको कारणले भुजेल समुदाय पछाडी रहेको बताउँदै जाडोको समयमा यस कार्यले केही टेवा पुग्ने धारणा व्यक्त गर्नुभयाे । वडा अध्यक्ष तोत्रबहादुर कुवंरले भुजेल समुदायको बढी बसोबास रहेको वडा हुनाले संस्कृती र भाषा संरक्षणका लागि वडाले प्रयास गरेकाे बताउनुभयाे ।
समितिमा भएका सदस्यहरुले आफ्नो जन्म दिनमा हुने फजुल खर्चलाई जोगाएर खडा गरिएको कोषबाट विद्यार्थीलाई सहयाेग गरिएकाे अध्यक्ष ज्ञानु भुजेलले जानकारी दिनुभयाे । उक्त कार्यक्रममा आदिवासी जनजाति महासंघ जिल्ला समन्वय समिति तनहुँकी अध्यक्ष बसुन्धरा घर्ती, भुजेल समाज सेवाका केन्द्रीय सदस्य कमलबहादुर भुजेल, भुजेल चलचित्रकर्मी सङ्घका अध्यक्ष कमल भुजेल लगायतकाे उपस्थिति थियाे ।
