निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
तनहुँ : हॉस्यकलाकार गोपाल ढकाल छन्देद्वारा निर्देशन गरिएको र सञ्चारकर्मी राज लुईटेलद्वारा वियोगान्त कथामा निर्मित “जुन दिन मलाई” बोलको आधुनिक गीतको म्युजिक भिडियो सार्वजनिक हुने भएको छ । माघ २३ गते शुक्रबार युट्युब छन्दे च्यानलबाट उक्त गीत सार्वजनिक हुन लागेको हो।
एभरग्रीन वल्ड वाईड ईन्टरटेन्मेन्टको ब्यानरमा निर्मित यस गीतलाई काठमाडौका विभिन्न स्थानमा छायांकन गरिएको छ । गायक कृष्णराज भण्डारीको स्वर,शब्द,संगीत रहेको गीतको मुख्य भुमिकामा संजित भण्डारी,श्रीदेब भट्टराई तथा नव मोडल चन्दा कुईकेल रहनुभएको छ भने कलाकारहरुमा प्रेम पाण्डे,रोहित कार्की,शुशिला बिडारी हुनुहुन्छ ।
यस गीतको भिडियोमा तारा थापा किम्भेको सम्पादन, हर्कमान वाईवा (रिदम)को छायांकन, युमिशा पाण्डेको श्रृङ्गार, मनोज ढकालको प्रकाश व्यबस्थापन रहेको छ । अडियो तर्फ सबिन लिम्बुको म्युजिक एरेन्ज, राजा बाबु,अजय कार्की रेकर्डिस्ट, चन्द्र चौधरीको मिक्सिङ्ग रहेकोे छ भने अकेस्टिक रेकर्डिङ्ग स्टुडियोमा रेकर्ड गरिएको यो गीतको पोस्टर डिजाईन आई क्याच स्टुडियोले गरेको छ ।
माया बोलीमा होईन व्यवहारमा देखाउनु पर्छ भन्ने मूल मर्मका साथ बनेको यो गीतलाई वास्तविकता एल्बममा समाबेश गरिएको छ भने दर्शकहरुले अवस्य मन पराउने कुरामा निर्माण पक्ष ढुक्क छ ।
