निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
काठमाडाै : अभिनेत्री मनीषा कोइरालाले कोरोना भाइरस संक्रमितको उपचारमा आवश्यक पर्ने स्वास्थ्य सामाग्री सहयोग गर्नुभएकाे छ । पछिल्लो समय अस्पतालहरुमा कोरोना संक्रमितको उपचारमा आवश्यक पर्ने भेन्टिलेटरसहितका स्वास्थ्य सामाग्रीहरुको अभाव भइरहेका बेला अभिनेत्री कोइरालाले बीरगञ्जस्थित नारायणी अस्पताललाई ४ थान भेन्टिलेटर, एक सय थान पीपीई, एक सय थान फेस सिल्ड, एक सय थान मास्क र फूल फेस मास्क ३ थान प्रदान गर्नुभएकाे हाे ।
पछिल्लो समय कोरोना संक्रमितको संख्या बढेसँगै कलाकारहरुले पनि विभिन्न स्वास्थ्य सामाग्रीहरु प्रदान गरिरहेका छन् । उनीहरुले अक्सिजन, अक्सिजन सिलिण्डरलगायतका स्वास्थ्य सामाग्रीहरु विभिन्न अस्पतालहरुलाई प्रदान गर्नुभएकाे हाे ।
