निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ: तनहुँको भानु नगरपालिका-५ मा बाढीपहिरोले ६ घर विस्थापित भएका छन् । केही दिनदेखि परेको वर्षाका कारण उक्त वडाका बारीफॉट, सेपाबगैचा, रानीपानी एवं गरमभन्ज्याङमा ६ घर विस्थापित भएका हुन् ।
बाढीपहिरोले वडाका मुख्यमार्ग भगवती रङ्गथ, भानु मार्गको बाङ्गेरह, वाराही मार्गमा क्षति पुगेको वडासदस्य दिपक थापाले जानकारी दिनुभयो । साथै पुरनडिही नगर अस्पतालको पर्खाल भत्किनुका साथै देउराली खोलाले पन्चनगर क्षेत्र प्रभावित पारेको छ ।
उहॉका अनुसार विभिन्न ठाउँका धानबालीमा समेत क्षति पुगेको छ । पहिरो प्रभावित क्षेत्रमा वडाको तर्फबाट अनुगमनको तयारी भइरहेको बताउँदै उहॉले सुरक्षित रहन वडावासीलाई आग्रह गर्नुभयो ।
