निष्पक्ष र विश्वसनीय खबरको सँगालो 
Khabar Punja
७ पुष २०८१, सोमबार
चितवन : केही दिनदेखि परेको निरन्तर वर्षाका कारण मुग्लिन नारायणगढ सडकखण्ड पटक-पटक अवरुद्ध भएको छ। वर्षाका कारण अवरुद्ध भएको सडक सुचारु गराइएपनि पहिरो जाने क्रम रोकिएको छैन ।
यो सडकखण्डको थप ६ ठाउँमा पहिरो खसेको छ । जिल्ला ट्राफिक प्रहरी कार्यालय चितवनका अनुसार चौधकिलो, सेतिदोभान,पाँचकिलो, चारकिलो,घोप्टेभिर,कुरिन्टारमा पहिरो जॉदा राजमार्ग दुईतर्फी अवरुद्ध भएको छ । बाटो सुचारु गराउन समय लाग्ने देखिएकाले अत्यावश्यक र इमरजेन्सी सवारीसाधनलाई वैकल्पिक मार्ग प्रयोग गर्न प्रहरीले अनुरोध गरेको छ ।
