Khabar Punja

भिमाद । अनुग्रह चर्च भिमादले क्रिसमश डे को अवसरमा भिमाद नगरपालिका-६ मालेवगर स्थित जनज्योति निम्न माध्यमिक विद्यालयमा अध्ययनरत विद्यार्थीहरुलाई विद्यालय पोशाक सहयोग गरेको छ। बिहीबार विद्यालयको प्राङ्गणमा जनज्योति निम्न माध्यमिक विद्यालयमा अध्ययनरत २० जना गरिब तथा जेहेन्दार विद्यार्थीलाई पोशाक वितरण गरेको हो ।

भिमाद नगरपालिका वडा नं ६ का वडा अध्यक्ष श्याम सुन्दर जोशी , अनुग्रह चर्च भिमादका पास्टर कृष्ण देव श्रेष्ठ , अगुवा मन बहादुर रतन ,भिमाद नगरपालिकाकी कार्यपालिका सदस्य दिना गोतामे लगायतले सयुक्त रुपमा विद्यालय पोशाक हस्तान्तरण गरेका थिए ।

वडाध्यक्ष जोशीले चर्चले सामाजिक काममा गरेको सहयोगको प्रशंसा गरे । अनुग्रह चर्च भिमादका पास्टर कृष्ण देव श्रेष्ठले धर्म निरपेक्षता घोषणा भइसक्दा पनि समान व्यवहार नभएको गुनासो गरे।
विद्यालयका विद्यार्थीहरुलाई गरेको सहयोग प्रति निकै खुशी लागेको र गरीव तथा जेहेन्दार विद्यार्थीहरुलाई चर्चको सहयोग पठापाठनमा सहयोग पुग्ने विद्यालय ब्यवस्थापन समितिका अध्यक्ष राजन आलेले बताए ।