Khabar Punja

दमाैली । दमौलीस्थित सत्यवती माध्यमिक विद्यालयको निमित्त प्रधानाध्यापकमा एकबहादुर गुरुङ नियुक्त भएका छन् । विद्यालय व्यवस्थापन समितिले बिहीबार विद्यालयको निमित्त प्रधानाध्यापकमा गुरुङलाई नियुक्त गरेको हो ।

विद्यालयमा प्रधानाध्यापकको नियुक्ति प्रकृया पूरा नहुँदासम्मका लागि विद्यालयमा कार्यरत प्रथम श्रेणीका शिक्षक गुरुङलाई निमित्तको जिम्मेवारी दिइएको विद्यालयका अध्यक्ष करुण काफ्लेले बताए ।

विद्यालयका प्रधानाध्यापक इन्द्रप्रसाद पौडेल तीन वर्ष विद्यालयको प्रधानाध्यापकको रुपमा कार्यरत थिए । विद्यालयले पौडेललाई पाँच वर्षका लागि प्रअको जिम्मेवारी दिएपनि तीन वर्षपछि समितिले उनलाई हटाएको हो ।